15, మే 2010, శనివారం

బ్రతికుండగా నీ పిలుపులు నేను విన్నా...!!

వర్షం సన్నగా పడుతోంది...నీటి బిందువులు ప్రతీ ఆకును ముద్దాడటంతో తడిసి, సాయం సంద్యా వెలుగులో పచ్చగా మెరిసిపోతున్నాయవి...ఆకాశమంతా ఉదారంగు మబ్బులు కమ్ముకొన్నాయి....చల్లని గాలి ఆమె మోమును సుతారంగా తాకటంతో పైట కొంగును తీసుకుని తలమీంచి కప్పుకుంది...ఇంటి పైకప్పు నుండి జాలు వారుతున్న నీరు నేలను తాకి నిశ్శబ్ధాన్ని చేదిస్తున్నాయి...అరుగుమీంచి లేచిందామె...ఎవరి కోసమో మరి...కొద్ది అడుగులు ముందుకు వేసింది...వాన చినుకులు ఆమెను నేనంటే నేనని తాకటంలో పోటీపడుతున్నాయి....ఏటో చూస్తూందామె...కాసేపయ్యాక వర్షం తగ్గింది..సన్నటి తుంపరలు మాత్రం శరీరాన్ని ఇంకా తాకుతున్నాయి....కొద్ది దూరంలో ఓ సెలయేరు, ప్రవాహపు మద్యలో ఉన్న రాళ్ళతో ఊసులు చెబుతున్నట్టుగా గలగలలు ఆమె చెవిని తాకాయి....ఎవరో గుర్తొచ్చారామెకు...మనసులో తెలీని సుతిమెత్తని భాధ...సాంత్వన కలిగించడానికేనా అన్నట్టు పెదవులు విచ్చుకున్నాయి....



" పలుకులు నీ పేరే తలుచుకున్నా..పెదవుల అంచుల్లో అణుచుకున్నా..
మౌనముతో నీ మదిని భందించా...మన్నించు ప్రియా..

తరిమే వరమా...తడిమే స్వరమా...
ఇదిగో ఈ జన్మ నీదని అంటున్నా...
వింటున్నావా...వింటున్నావా...వింటున్నావా... "

- అనంత శ్రీరాం


- సెలయేరుకు అటువైపు....

కదిలే మేఘాలు తనకోసం ఏవో తీసుకురావాలని అతను ఆశిస్తున్నాడు...ప్రతీ మేఘం ఇటే వస్తుంది...కానీ ఏమీ తేలేదన్నట్లుగా ఒట్టి చేతులతో వెళ్ళిపోతున్నాయి...మనసు మెలిపెట్టినట్టుంది అతనికి...ఆమె ఎడబాటు భరించలేనిదిగా ఉంది...కాలితో ఓ రాయిని బలంగా తన్నాడు...కాసేపటికి వెలిసిందనుకున్న వాన మళ్ళీ మొదలైంది...కొన్ని చినుకులు అతన్ని సుతిమెత్తగా తాకాయి...ఏదో తెలుసుకుంటున్నట్టుగా అతను రెండు చేతులనూ చాచి, ఆకాశం వైపు చూస్తూ, చినుకులను తన గుండె మీదకు ఆహ్వానించాడు...మనసు మురిపెం పాటయ్యింది...



" విన్నా వేవేల వీణల సంతోషాల సంకీర్తనలు నా గుండెల్లో ఇప్పుడే వింటున్నా...
తొలిసారి నీ మాటల్లో...పులకింతల పదనిసలు విన్నా...

చాలు చాలే..చెలియా..చెలియా..
బ్రతికుండగా నీ పిలుపులు నేను విన్నా...
ఓ..ఓ...బ్రతికుండగా నీ పిలుపులు నేను విన్నా... "
- అనంత శ్రీరాం


............

.......

ఇది కొద్ది రోజులుగా ఓ పాట వింటున్నప్పుడు నా కళ్ళముందు కనిపిస్తున్న ఓ దృశ్యం...కొన్ని పాటలు వింటుంటే ఊహలు ఎక్కడికో వెళ్ళిపోతుంటాయి...అప్రయత్నంగా కళ్ళ ముందు ఓ దృశ్యం అలా కనిపించేస్తుంది...ఆ విరహ వేదనలో మనమే ఉన్నామా అన్నంత భావోద్వేగానికి లోనయిపోతుంటాము. కొన్ని రోజులనుండి ఆ పాట అలాంటి అనుభూతినే కలిగించేస్తుంది. అసలే మన రహ్మాన్ ట్యూన్ చేసాడు ఆ పాటని. అనంత శ్రీరాం రాసిన అందమైన సాహిత్యానికి శ్రేయా ఘోషల్ గళం కలిపింది..అది కూడా కార్తీక్ తో కలిసి...అసలు ఈ అమ్మాయి ఉంది చూశారూ...తను పాడిన పాటలు వింటున్నప్పుడే, ఆ గొంతుతో మన మనస్సులోకి పర్మిషన్ తీసుకోకుండా దూరి, రకరకాల భావోద్వేగాలను కలిగించి, కుళ్ళ బొడిచి వదిలేస్తుంది ...సున్నిత మనస్కులు అయితే పాట వింటూ ఎవరో అమ్మాయి తన కోసమే పాడుతుందేమో అన్న భ్రమల్లోకి పోయినా పోతారు కాసేపు...ఇక ఆ కార్తీక్ అయితే "నీ మనసు నాకు తెలుసు సోదరా..దాని వ్యధ కూడా తెలుసు.." అంటూ మన భావాన్ని తన గొంతులో పలికిస్తూ మన వెర్షన్ పాడేస్తుంటాడు. ఇది చాలదన్నట్టు మన దర్శకులు శ్రేయా గొంతును సినిమాల్లో జెస్సీలాంటి ఓ అందమైన అమ్మాయికి తగిలించేస్తారు...ఇంక కష్టాలు అప్పుడు మెదలు నాకు...ఇయర్ ఫోన్స్ పెట్టుకుని, కళ్ళు మూసుకుని ఆ పాట వింటూ, కళ్ళు మూసినా ఎదురుగా కనపడుతున్న దృశ్యం చూసుకుని, గొప్ప అనుభూతికి లోనయిపోయి, పాట అయిపోయిన వెంటనే "ఈ నిమిషం చచ్చిపోయినా పరవాలేదు" లాంటి పిచ్చి పిచ్చి ఆలోచనలన్నీ పుట్టేస్తుంటాయి...

అందుకే నేను ఇకపై శ్రేయా ఘోషల్ పాడిన కొన్ని విరహంతో కూడిన పాటలు వినకూడదనుకుంటున్నాను...ముఖ్యంగా కార్తీక్ తో తను పాడిన ఈ విరహ గీతం అస్సలు వినను...





మీకు నచ్చితే ఇక్కడ నుండి మీ కంప్యూటర్లోకి దింపుకోండి.

******

( ఐపాడ్ ఇయర్ ఫోన్స్ చెవిలో పెట్టుకున్నాను..ఓ సాంగ్ ప్లే చేశాను..చేతిలోని ఐపాడ్ నా వైపు అదోలా చూసింది...సాంగ్ ప్లే అవుతోంది...'తరిమే వరమా...తడిమే స్వరమా...ఇదిగో ఈ జన్మ నీదని అంటున్నా'..ఎభై ఒకటోసారి అదేపాట మంద్ర స్థాయిలో మళ్ళీ వినిపిస్తుంది శ్రేయా గొంతులోంచి జాలువారుతూ.. )

41 వ్యాఖ్యలు:

మాలా కుమార్ చెప్పారు...

పాట , పాట కన్నా మీరు రాసినవిధానము చాలా బాగున్నాయండి .

మాలా కుమార్ చెప్పారు...

మీ నేస్తాలకు మేత వేయటము భలే సరదాగా వుందండి . ఇన్ని రోజులు నేను గమనించలేదు . ఈ రోజు కాస్త తీరికగా వుండి అదేమిటో చూద్దామని చూసాను . భలె టికు టికు మని తెనేసాయి .

రాధిక చెప్పారు...

:-)

నిషిగంధ చెప్పారు...

పాట చాలా బావుంటుంది.. అది మిమ్మల్ని తన చుట్టూ తిప్పుకుంటున్న విధానం ఇంకా ఇంకా బావుంది.. చాలా బాగా రాశారు.. అసలు ఇలాంటి పాటలు పాడుకోవడం కోసమైనా అర్జెంటుగా ఒక ప్రేయసిని వెతుక్కోవాలనిపించదూ!! :-)

చిన్ని చెప్పారు...

చాల చక్కని దృశ్యం :-) బాగా రాశారండి .పాట కూడా మీరు చెప్పినట్లే వుంది .

ఉష చెప్పారు...

ఇదే పదచిత్రం/దృశ్యకావ్యం నన్ను ఉపిన భావన - మొదటిసారి కాదు దాదాపు వందోసారి విన్నాక కూడ. చాలా నిండుగా రాసారు. అభినందనలు.

ఇక మీ వరకు నిషి చివరిమాటే నాదీను...:)

'Padmarpita' చెప్పారు...

ఎంత బాగారాసారండి...పాటకి పరిమళాన్నిచ్చినట్టుంది!

Badri చెప్పారు...

నాకైతే ఈ పాట వినగానే నచ్చేసింది.
ఈ పాట వింటుంటే నేనెక్కడున్నానో మర్చిపొతుంటా. ఈ పాట కోసం ఇండియాలో దిగగానే సినిమాకెల్లిపోయాను అక్కా వాళ్లు కాసేపు ఇంట్లో వుండరా అన్నా వినకుండా :-)

ప్రణీత స్వాతి చెప్పారు...

వహ్వా వహ్వా... శేఖర్ గారూ..భావి భావ కవి గారూ..అందుకోండి నా అభినందన మందార మాల.

శేఖర్ పెద్దగోపు చెప్పారు...

@మాలా కుమార్ గారు,
థాంక్యూ..నా నేస్తాలు మీ మనసు కూడా దోచుకున్నాయన్నమాట...

@'పిల్లన గ్రోవి' రాధిక గారు,
:-)
థాంక్యూ..

@నిషిగంధ గారు,
అబ్బ..మీరు మనసులో ఉన్న అసలు విషయాన్ని భలే పట్టేస్తారండి...(దట్ ఈజ్ నిషిజీ)
పాట విన్న ఏభై ఒక్కసార్లు నాకు అలానే అనిపించింది..అనిపిస్తుంటుంది కూడా..:-)
థాంక్యూ..

@చిన్ని గారు,
థాంక్యూ..:)

@ఉష గారు,
మిమ్మల్ని కాస్త మెప్పించగలిగానంటే ఇంక నేను గాల్లో రెండో ఆలోచన లేకుండా తేలిపోవచ్చు..:)
థాంక్యూ...

@పద్మ గారు,
థాంక్యూ సో మచ్..

@బద్రి గారు,
అక్కా వాళ్ళు ఈ టపా చూసారంటే మీరెందుకు ఇంట్లో ఉండమన్నా ఉండలేదో ఇట్టే అర్ధం అయిపోతుంది..:-)
మరి మీవి కూడా ఇంచు మించు ఇటువంటి ఫీలింగ్సే కదా!!
థాంక్యూ..

@ప్రణీత గారు,
థాంక్యూ...మీరు బావి భావ కవి అంటుంటే నేనెక్కడికో వెళ్ళిపోయానండి...తోటరాముడు గారి భాషలో చెప్పాలంటే గాల్లో నిక్కరేసుకుని(సమ్మర్ కదా) తేలిపోతున్న భావన..:-)

Kishen Reddy చెప్పారు...

పాత ఎంత అందంగా ఉంటుందో అంతకన్నా అందంగా రాసారు శేఖర్ గారు. మీ టపా చదవగానే ఆ పాట విన్నాను..అలా వింటూనే ఉన్నాను..శ్రేయ గోషల్ "వింటున్నావా..." అని అడుగుతుంటే..వింటున్నా వింటున్నా అంటూ ఎన్ని సార్లు విన్నానో నాకే తెలిదు

చిన్న కరక్షన్ "వేవేల వెన్నెల..." కాదు "వేవేల వీణల..."

జయ చెప్పారు...

ప్రేమతో హృదయం నిర్మలమవుతుంది. అంతటి నిర్మలత ఈ పాటలోనే కాదు మీ భావాల్లో కూడా నాకు కనిపించింది. తియ్యదనపు అమృతం కన్నా, పరిమళించే పువ్వు కన్నా, ఎంతో మధురమైన...సున్నితమైన ప్రేమ ఇది. ఒకవేళ ఆలకించే వారు లేకపోయిన ఆలపించక మానదు ఈ ప్రేమ. ఇంత అందమైన ప్రేమకు పలకని వారెవరైనా ఉంటారా! చాలా బాగుంది శేఖర్ గారు.

నేస్తం చెప్పారు...

శేఖర్ నీకో చిరు నవ్వు :) కిషన్ నీకు రెండు చిరునవ్వులు.. :))

నేస్తం చెప్పారు...

శేఖర్ నీకో చిరు నవ్వు :) కిషన్ నీకు రెండు చిరునవ్వులు.. :))

శేఖర్ పెద్దగోపు చెప్పారు...

@కిషన్ గారు,
:-)
మిమ్మల్ని కూడా శ్రేయా మాయలో పడేసిందా!! లాభం లేదు కిషన్..ఆ అమ్మాయి మీద మనలాంటి వాళ్ళందరం కేసు వెయ్యాలి..మన ఎమోషన్స్ తో ఆడుకుంటుందని చెప్పి...:)
మీరు చెప్పినట్టే లిరిక్స్ సరిచేసాను...చాలా థాంక్స్..
కిషన్ చూశారా...నేస్తం గారు మన ఇద్దరిని చూసి ఎలా నవ్వుతున్నారో!! :)

@జయ గారు,
>>>తియ్యదనపు అమృతం కన్నా, పరిమళించే పువ్వు కన్నా, ఎంతో మధురమైన...సున్నితమైన ప్రేమ ఇది. ఒకవేళ ఆలకించే వారు లేకపోయిన ఆలపించక మానదు ఈ ప్రేమ. ఇంత అందమైన ప్రేమకు పలకని వారెవరైనా ఉంటారా!

మీరు రాసిన ఈ లైన్స్ కి రెండు మూడు విజిల్స్ వేసాను నేను ఇక్కడ...సూపర్బ్!!

థాంక్యూ...ఒక చిన్న రిక్వెస్ట్..మీ కాలేజీలో నేను చదవక పోయినా మీరు నాకు గురుతుల్యులు..నా పేరు చివర 'గారూ' చేర్చకండి ప్లీజ్...

@నేస్తం జీ
:-)
థాంక్యూ..

వేణూ శ్రీకాంత్ చెప్పారు...

చాలా బాగా రాశారు శేఖర్ :-) నాకూ వినగానే చాలా నచ్చేసింది ఈ పాట.

సవ్వడి చెప్పారు...

శేఖర్ గారు! చాలా బాగా రాసారు. ఈ పాట నాకు కూడా చాలా ఇష్టం.
ముఖ్యంగా "తరిమే వరమా...తడిమే స్వరమా...
ఇదిగో ఈ జన్మ నీదని అంటున్నా...
వింటున్నావా...వింటున్నావా...వింటున్నావా... " చాలా ఇష్టం. ఈ లైన్ల కోసమే ఎన్ని సార్లు విన్నానో నాకే తెలీదు.
మీ ఊహ ఇంకా బాగుంది.

శేఖర్ పెద్దగోపు చెప్పారు...

@వేణూ,
Happy to see you here again...

నచ్చిందన్నారు గానీ మీ కొచ్చిన ఊహని మాతో పంచుకోకుండా దాచేస్తున్నారేమో అని నా అనుమానం..:-)
థాంక్యూ..

@సవ్వడి గారు,
నాకు తెలిసి ఈ పాట ఒక్కసారి వింటే చాలండీ... రీపీటేడ్ గా మనం వినగలిగేలా చెయ్యగలగటం పాట సొంతం..పాటలో పాలు పంచుకున్న ప్రతీ ఒక్కరూ వాళ్ళ బెస్ట్ ని చూపించారేమో అని నాకనిపిస్తుంటుంది.
థాంక్యూ..

"తువ్వాయి" చెప్పారు...

MEE "YETI GATTU "KABURLU CHALA BAGUNNAYI SHEKAR GARU.

కవిత చెప్పారు...

శేకర్ జీ,వహ్వా వహ్వా...
పాట ఎంత అందంగా ఉన్న,మీరు చెప్పే విధానం దాని కి ఇంకా అందాన్ని చేకూర్చింది.శ్రేయ పాటలకి నేను పెద్ద ఫ్యాన్ అండ్ AC ని అండి.

శేఖర్ పెద్దగోపు చెప్పారు...

@శ్రీనూ(తువ్వాయి) గారు,
థాంక్సండి..

@కవిత గారు,
థాంక్యూ సో మచ్..:)

కవిత చెప్పారు...

@అశోక్ గారు,మీ నేస్తాలకి నేను మేత వేసాను..నాకు ఇదు రూపాయలు సెలవయింది ...ఎప్పుడు తిరిగి ఇస్తారు మరి??వాటిని చూస్తేనేమో వేయాలని పిస్తుంది మరి...

Pushparaju Pinapati చెప్పారు...

sekhar garu eroje me tapa chadivanu, naku ee patante chala istam mee yokka tapatho aa isthtam inka rettipaindanukuntunnanu

dhanyavadamlu:)

శివరంజని చెప్పారు...

థాంక్యూ సో మచ్ ...మంచి పాటని పరిచయం చేసారు

శేఖర్ పెద్దగోపు చెప్పారు...

@కవిత గారు,
ఇంతకు అశోక్ గారు మీకు ఐదు రూపాయలు ఇచ్చారా నా నేస్తాలకు మీరు మేత వేసినందుకు??
:-):-)

@పుష్పరాజు గారు,
థాంక్యూ..

@శివరంజని గారు,
థాంక్యూ..

కవిత చెప్పారు...

శేకర్ జీ,అయ్యో అయ్యో అయ్యయ్యో .....శేకర్ ని...అశోక్ చేసానండి.ఎకౌంటు(బ్యాంకు ఎకౌంటు హోల్దేర్ నేమ్ కూడా) పేరు తప్పు చెప్పేసా...ఇప్పుడు అశోక్ గారి ఫీలింగ్స్ చూడాలి...ధర్మవరపు సుబ్రహ్మణ్యం గారి ల..."ఎవరి (మీ)నేస్తాలకు ఎవరు(నేను) మేతవేసారు...మధ్యలో నాకేంటి ఏ గోల" అనుకోని ఉంటారు...మరి నా ఇదు రూపాయలు ఎప్పుడు ఇస్తున్నారు???

తృష్ణ చెప్పారు...

మీ టపా ఇప్పుడే చూశానండీ...అందరి మాటే నాదీను..పాటను ఈ మధ్యనే విన్నా నేను కూడా...ఇప్పుడు మీ బ్లాగ్లో చూసి డౌన్లోడ్ చేసేసుకున్నా..:)

శ్రేయా ఘోషాల్ గురించి ఎంత చెప్పినా తక్కువే.అదివరలో నేను రాసిన తపా గుర్తుందిగా..

శేఖర్ పెద్దగోపు చెప్పారు...

@కవిత గారు,
:-)
అలా మేత వేస్తూ ఉండండి...ఓ వంద రూపాయలు అయ్యాక మీకు చెక్కు పంపిస్తాను..:-)

@తృష్ణ గారు,
గుర్తుందండి మీ టపా...అవునండీ..శ్రేయా గురించి ఎంత చెప్పినా తక్కువే..
థాంక్యూ..

హారం ప్రచారకులు చెప్పారు...

శేఖర్ పెద్దగోపు గారూ...,

నమస్కారం. క్రొత్తగా నేను హారం ప్రచార బాధ్యతను తీసుకున్నాను. కాబట్టి హారం గురించి
ఓ నాలుగు మాటలు చెప్పుకుందామని మీ బ్లాగు తలుపు తడుతున్నాను. హారం ను మీరు చూడాలంటే ఈ లింకు పైన నొక్కండి. హారం ప్రతి ఐదారు
నిమిషాలకు మీ బ్లాగునుంచి టపాలను సేకరించి చూపిస్తుంది. అంతే కాక మీరు,
మనతోటి బ్లాగర్లు వ్రాసిన టపాలను గానీ వ్యాఖ్యలను చూసుకోవడం చాలా సులభం. హారంలో వ్యాస రచయితల పేర్లు, వ్యాఖ్యాతల పేర్ల పైన క్లిక్ చేసి సులభంగా వారి వారి వ్యాసాలను,వ్యాఖ్యలను చూసికొనే వీలుంది.

తాజా టపాలనే కాక బ్లాగుల్లో లభ్యమయ్యే జ్ఞానాన్ని వివిధవర్గాలగా క్రోడీకరించి, గత నాలుగు సంవత్సరాలుగా
తెలుగు తల్లి నోటినుంచి రాలిన ముత్యాలను గుదుగుచ్చి మీ ముందుంచుతుంది. ఈ ప్రయత్నంలో
హారం ప్రస్తుతానికి ఆధ్యాత్మికం, పద్య సాహిత్యం, సాంకేతికం, హాస్యం, పాటలు,సినిమాలు, బొమ్మలు,సంగీతం, కవితలు, బాలసాహిత్యం, వంటలు మొదలైన వర్గాలుగా క్రోడీకరించి చూపిస్తుంది. .

మీ సౌకర్యాన్ని బట్టి వీలును బట్టి ఓ సారి దర్శించండి. నచ్చితే వాడండి. ఇంకా నచ్చితే మీబ్లాగులో హారం లింకు ను వుంచి ప్రోత్సహించండి. హారం లింకు ఇక్కడ నుండి సంగ్రహించి మీ బ్లాగులో వుంచవచ్చు. అభిప్రాయాలను దయచేసి ఇక్కడ తెలుపండి . టపాకు ఏమాత్రం సంబంధం లేని వ్యాఖ్య వ్రాసినందుకు క్షమించండి.

- హారం ప్రచారకులు.

మోహన చెప్పారు...

చిత్రగుప్తుడున్నాడు. లేక్కేస్తున్నాడు.

ప్రణీత స్వాతి చెప్పారు...

శేఖర్ గారూ నెక్స్ట్ టపా కోసం ఈగర్లీ వెయిటింగ్..

మధురవాణి చెప్పారు...

చాలా చాలా చాలా బాగా రాశారు. ఈ సినిమా పాటల కౌంట్ 100 ఎప్పుడో దాటిపోయింది నా ఐపాడ్ లో ;-) ఈ మధ్యే dvd వచ్చింది కదా! ఇప్పటికే నాలుగైదు సార్లు చూసేసా సినిమాని :-)

మధురవాణి చెప్పారు...

అన్నట్టు, ఈ ఆల్బం లో 'ఆరోమలె' పాట సోదిలే అనుకున్నా ఫస్ట్. సినిమా చూసాక ఆ పాట బాగా నచ్చుతోంది. రెహ్మాన్ పాటలెప్పుడూ అంతే నాకు. ముందు ఏదో ఒక పాటే బాగుంది అనిపిస్తుంది.. అలా అలా వినగా కొన్నిరోజులకి అన్నీ తెగ నచ్చేస్తాయి. ముఖ్యంగా సినిమా చూశాక.. ;-)

శేఖర్ పెద్దగోపు చెప్పారు...

@మోహన,
చిత్రగుప్తుడు...లెక్కవేయటం...అంత పాపం ఏం చేసానబ్బా నేను!!

@ప్రణీత గారు,
ఈ మధ్య ఒక సాఫ్ట్ వేర్ క్లాసులకు అటెండ్ అవుతూ ఆఫీస్ కి పోవటం వల్ల అస్సలు కుదరటం లేదు..రాయలన్నా మూడ్ కూడా రావటం లేదు..త్వరలో రాసేస్తానండీ.
థాంక్యూ సో మచ్ ఫర్ యువర్ సపోర్ట్..

@మధుర వాణి,
నాది కూడా పాటలు వినే కౌంట్ ఇప్పుడు వంద దాటేసిందండి...నాలుగైదు సార్లు చూశారా మీరు? నాగ చైతన్య ఆ సినిమాలో లేకపోతే సినిమాని ఎన్ని సార్లైన చూడొచ్చండి నా ఉద్దేశంలో..ముఖ్యంగా జెస్సీ కోసం...:-):-)

ఆరొమలె పాట నేను వినలేదండీ..ఈ సారి వినాలి. రెహ్మాన్ విషయంలో మీరన్నది చాలా నిజం...నాది సేం టు సేం ఫీలింగ్...మొదట్లో ఆ ఏముందిలే అని అనిపిస్తుంది..వీడియోలో పాట చూసినప్పుడు తెలుస్తుంది అసలు మజా...

పరిమళం చెప్పారు...

శేఖర్ గారూ , మీటపా చదివాక మరోసారి ఆ పాట విన్నాను ముందుకంటే మధురంగా ఉందంటే అది నా ప్లేయర్ తప్పుకాదు సుమండీ :) :)
అన్నట్టు మాలాగారు చెప్పేవరకూ నేనూ పట్టించుకోలేదు మీ నేస్తాలు భలే చురుకండీ :)

hanu చెప్పారు...

nice one andi. mee explanation chala bagumdi

శేఖర్ పెద్దగోపు చెప్పారు...

@పరిమళ గారు,
:-)
థాంక్యూ..

@హను గారు,
థాంక్యూ..

@ఇద్దరికీ..సారీ ఫర్ ద లేట్ రిప్లై..

సమూహము చెప్పారు...

నమస్కారం.
మెదటగా టపాకు ఏమాత్రం సంబంధం లేని వ్యాఖ్య వ్రాసినందుకు క్షమించండి.
సమూహము గురించి చెప్పుకుందామని మీ బ్లాగు తలుపు తడుతున్నాను.
తెలుగు బ్లాగులు విస్తృతంగా వాడుకలో ఉన్న ఈ ఎలక్ట్రానిక్ యుగములో అన్ని తెలుగు బ్లాగులను ఒక గూటిలోనికి తేవాలనే మా ప్రయత్నం .మీకు నచ్చిన ,మీరు మెచ్చిన బ్లాగులను ఈ బ్లాగులో చేర్చవచ్చును.
సమూహము ను మీరు చూడాలంటే ఈ లింకు పైన నొక్కండి.
సమూహము మీ బ్లాగునుంచి టపాలను మరియు ఫోటోలను సేకరించి చూపిస్తుంది. అంతే కాక మీరు,మనతోటి బ్లాగర్లు వ్రాసిన టపాలను గానీ వ్యాఖ్యలను చూసుకోవడం చాలా సులభం.
మీ సౌకర్యాన్ని బట్టి వీలును బట్టి ఓ సారి దర్శించండి. నచ్చితే వాడండి. ఇంకా నచ్చితే మీబ్లాగులో సమూహము లింకు ను వుంచి ప్రోత్సహించండి. సమూహము లింకు ఇక్కడ నుండి సంగ్రహించి మీ బ్లాగులో వుంచవచ్చు. అభిప్రాయాలను దయచేసి ఇక్కడ తెలుపండి .
దయచేసి మీ సలహను / సూచలను ఇక్కడ తెలపండి మీ వ్యాఖ్యలు మాకు అమూల్యమైనవి .
-- ధన్యవాదముతో
మీ సమూహము

సవ్వడి చెప్పారు...

శేఖర్! మీ మెయిల్ ఐడి కాస్త ఇస్తారా... నా బ్లాగులో ఇవ్వండి.

మురళి చెప్పారు...

పాట, మీరు వర్ణించిన విధానం ఒకదాన్ని మించి మరొకటి బాగున్నాయండీ..

శేఖర్ పెద్దగోపు చెప్పారు...

మురళి గారు,
మీ కామెంట్ చూడగానే ఫుల్ ఖుష్ అయిపోయాను....Thanks for the encouragement...